“Waxaan dhaliil ka muujinaynaa damac xumo shaqsi ku doonayo inuu kula wareego Iddaacadda Codka Mudug” sidaana waxaa yiri…

Qoraal soo gaaray Xarunta Wabsaydhkaan oo lagana hadlayao arrimaha Idaacadda Codka Mudug ee Magaalada Gaalkacyo ayaa sidaan u qornaa:-

Annagoo ah Aqoonyahanno ku kala nool Magaalooyinka Gaalkacyo iyo Muqdisho lana socona ujeedooyinka loo keenay Idaacadda Codka Mudug cidda bixisay Hantideeda, kaalinta ay illaa iyo hadda ay ka qaadatay arrimaha dib u heshiisiinta dadka Soomaaliyeed gaar ahaan kuwa deegaanada Galmudug, Kaalinta ay taageerayaasha Galmudug ka qaataan socodsiinta Howlaha Idaacadda sida, daboolidda kirada Xarunta Idaacadda iyo gacan ka gaysashada dhinacyada kale sida kharashaadka Korontada Taleefonnada, qalabka lagu wado shaqooyinka Idaacadda oo ay ka miid yihiin Micsarada, Rikoorada, Kamarooyinka, Computarada iwm ayaa waxaa la yaab iyo u qaadan waa nagu noqotay Markaan ogaannay in Cabdulqaadir Cali Jaamac (Qalabxoor) uu bilaabay dhowaanahana waday ololayaal uu ku doonayo inuu Idaacadda kula wareego kana dhigto Hanti gaar ahaaneed oo uu isagu leeyahay meeshana kaga saaro lahaanshihii ay lahaayeen Idaacadda Maamulka iyo Dadweynaha Galmudug oo horay hantidooda, waqtigooda iyo aqoontoodaba ugu huray hirgelinteeda iyo socodsiinteedaba, isagoo iska indho iyo dhage-tiraya arrimahaasi oo dhan iyo waliba in uu yahay magac ahaan Wasiirka warfaafinta maamulka Galmudug ayna ceeb iyo damac xumo ku tahay isagoo aan waxba ku qaban xilkaasi wasiirnimo muddo dheerna uuba ka maqan yahay dalka iyo deegaanka Galmudug intaba waa basiib daro inuu haddana isku dayo in halkaasi Idaacad iyo Website uu kala wareego

Dhinaca kale, waxaan xog buuxa u noqonay in si damaciisaan uu ugu suurto gali Cabdulqaadir Cali Jaamac uu xarunta Idaacadda geeyay shaqsiyaad isbaaro u dhigto maamulka Idaacadda oo uu ku soo xulay qaab jufo iyo damac galin daneed kuna howl galiyay kuwaas oo qaabkaasi isbaaro ula wareegay maamulkii Hantidii iyo Magacii Idaacaddaba laga soo bilaabo 14/06/2008-da.