Maxkamadaha Islaamiga ee ku shir sanaa Sanca oo ogolaaday in ciidamo shisheeye la geeyo Soomaaliya balse ku xiray sharuud adag.

Masuliyiinta Midowga Maxaakimta Islaamiga oo maalmahanba ku sugnaa magaalada Sanca ee dalka Yemen ayaa soo dhoweeyey go?amadii dhowaan ay soo saareen guddigii lagu sameeyey shirkii Jabuuti ee ku wajahnaa xalinta khilaafaadka dalka Soomaaliya iyo sida loo wajahayo, sida ay sheegayaan wararka aynu ka helayno goobta shirka.

Xubnaha ka qeyb galay shirka ayaa isla ogolaaday in dalka Soomaaliya la keeno ciidamo shisheeye oo badela ciidamada Ethiopia ay ku sheegeen in ay dalka xoog ku qabsadeen, balse waxa ay ku xireen sharuud ah in ciidamadaasi ay ahaadaan kuwo ka yimaada wadamada Islaamka isla markaana la cadeeyo mudada ay joogayaan dalka.

Shirkaasi oo ahaa mid loo diiday saxaafada ayaa sidoo kale waxa ay mas?uliyiinta maxaakimta ku ogolaadeen in xabada la joojiyo balse taasi aanay macnaheedu aheyn in muqaawamada hada jirta loo garduubo waxa ay ugu yeereen dowlada daba-dhilifka.
kulanka ay sida gaarka u yeesheen Maxaakimta ayaa daba socday shir dhameystir ah oo ay la qaateen

Wasiirka arrimaha dibada Yemen oo ay isku waafaqeen sidii loo badbaadin lahaa shacabka Soomaaliyeed ee dhexda u galay dagaalada u dhexeeya kooxaha kacdoonka iyo ciidamada Ethiopia iyo kuwa dowlada KMG oo hal dhinac ah.

Dagaalyahano ka tirsan maxaakimta Islaamiga iyo kooxaha Al-Shabaab oo isku mowqif ah ayaa gobolada dalka Soomaaliya ka wada dagaalo ay uga soo hor jeedaan dowlada KMG iyo iyo joogitaanka ciidamada Ethiopia, kuwaasoo geysta khasaare naf iyo maalba.